Kavana Sarma Kaburlu – Sarada Anuvakkulu

All Rights Reserved

మనదేశం ,మనసంస్కృతి ,మనచరిత్ర ,మన విజ్ఞానం – నా అవగాహన

మనదేశం ,మనసంస్కృతి ,మనచరిత్ర ,మన విజ్ఞానం – నా అవగాహన

5 మన చరిత్ర ( కొనసాగింపు -5)
రాముని కాలం ;
Institute for Scientific Research on Vedas ( !- SERVE) అన్న సంస్థకి పని చేసే పుష్కర్ భట్నగర్ అనే ఆయన రాముని జన్మ సమయం 5114 BCE జనవరి 10 వ తేదీ మధ్యాహ్నం 12. 30 గంటలకు జరిగినట్టుగా నిర్ధారించాడు . దానికి ఆధారం వాల్మీకి రామాయణం లో ఉన్న ఈ వాక్యాలు ." 12 వ నెల అయిన చై త్ర మాసం లో ,నవమి తిథి నాడు కర్కాటక లగ్నానికి చెందిన పునర్వసు నక్షత్రం లో కౌసల్య రాముడిని కన్నది. ఆ సమయం లో అయిదు గ్రహాలు తమ స్వ , ఉచ్చ స్థానం ల్లో ఉన్నాయి. గురు గ్రహం ఉదయిస్తున్న సమయం అది. "
(కర్కాటక రాశి , పునర్వసు 4 వపాదం నుంచి ఆశ్లేషా నక్షత్రం చివరి వరకు వ్యాపించి ఉంటుంది . ఛాయాగ్రహాలు మినహాయించి మిగిలిన 7 గ్రహాలలో 5 గ్రహాలు స్వ ఉచ్ఛం ల్లో ఉన్నాయని గ్రహించాలి)
నా వద్ద ఉన్న 60 సంవత్సరాల పంచాంగం ని కుతూహలం తో శ్రీరామ నవమి నాటి గ్రహ స్థితు లు ఏవిధం గా ఉన్నాయని సంప్రదించాను అందులో 1956 CE ఏప్రిల్ 19 న వచ్చిన శ్రీ రామ నవమి నాడు ఉన్న గ్రహ స్థితి ఈ విధము గా ఉన్నది

చంద్రుడు స్వస్థానం అయిన కర్కాటక రాశి లో ఉన్నాడు
రవి మేష రాశి లో ఉచ్ఛం లో ఉన్నాడు.
గురుడు కర్కాటక రాశి లో ఉచ్ఛం లో ఉన్నాడు
శుక్రు డు స్వస్థానమైన వృషభ రాశి లో ఉన్నాడు

కుజుడు మకర రాశి లో ఉచ్ఛం లో ఉన్నాడు
ఆమాసం చై త్ర మాసం
ఆ తిథి నవమి
కర్కాటక రాశి పొద్దున్న 11.30 గం . కి ఉదయించి 1. 30 . గం .వరకు ఉన్నది
అంతా బాగానేవుంది కానీ ఆనాడు నక్షత్రం పునర్వసు కాదు ఆశ్లేష
అంటే వాల్మీకి చెప్పిన 9 లో 8 నప్పాయి .ఒకటి నప్పలేదు
అంటే ఇది రామునిజాతక చక్రం కి ఇది రమా రమి గా సరిపోతుంది కానీ పూర్తిగా కాదు
రాముడు సీతా తమ వనవాసం లో ముసలి వగ్గులుగా ఉన్న అత్రి అనసూయలని వెళ్లి చూసారని రామాయణం లో ఉన్నది. వారు 200 సంవత్సరాల కి మించి బతకలేదు అ ని మనం ఒక ‘ఊహన’ చేస్తే ,రాముని కాలం లో ఉన్నవశిష్ఠుడి ముని మనవడైన వ్యాసుడు ,కృష్ణుడికి తాత వయస్సువాడు కనక ,శత్రుఘ్నుని భార్య శ్రుతకీర్తి వసుదేవుని సోదరి శ్రుతకీర్తి కి నాయనమ్మ కి నాయనమ్మ అయి ఉంటుం ద నుకుంటే , అంతా సరిపోతుంది ఒక భట్నగర్ ప్రతిపాదించిన 5114సంవత్సరం తప్ప .
నేను కుతూహలం తో పరిశీలించి గ్రహించినది రమా రమి జాతక ఆవృత్తి కాలం 748 సంవత్సరాలు అంటే 3280 BCE కూడా రాముని జన్మ సంవత్సరం అయి ఉండ వచ్చు అంటే రాముని కంటే కృష్ణుడు 90 ఏళ్ళు చిన్న వాడు అవుతాడు . అలా కాక రాముని జన్మ కాలం 4028 BCE అయితే రాముని తరవాత 838 సంవత్సరాల కి కృష్ణుడు పుట్టాడు అనుకోవాల్సి వస్తుంది .

వశిష్ఠుడు మొదలైన ఋషులు మరింత కాలం జీవించి ఉంటారు అనుకోవాల్సి వస్తుంది.
ఏది ఏమైనా రాముడికి కృష్ణుడికి పెద్ద వార లేదనుకోవటం నాకు ఉచిత మైన ఊహ గా అనిపిస్తుంది. అప్పుడు మనం నమ్మ శక్యం కాని వాటిని సమర్ధించుకోనక్కర లేదు.

Written by kavanasarma

May 5, 2018 at 11:32 pm

Posted in Uncategorized

%d bloggers like this: