Kavana Sarma Kaburlu – Sarada Anuvakkulu

All Rights Reserved

మనదేశం ,మనసంస్కృతి ,మనచరిత్ర ,మన విజ్ఞానం – నా అవగాహన

మనదేశం ,మనసంస్కృతి ,మనచరిత్ర ,మన విజ్ఞానం – నా అవగాహన

5మన చరిత్ర ( కొనసాగింపు -4 )

కలి ప్రారంభం :
భారత దేశ చరిత్రలో కలియుగ ప్రారంభానికి చాలా ప్రాముఖ్యత ఉన్నది. లిఖిత మౌఖిక చరిత్రల్లో సంఘటనలకి ఆధా రాలు కలియుగం ప్రారంభం అయ్యాక ‘ఇన్ని’ సంవత్సరాలు గడిచాక అని ఉంటాయి కలియుగ ప్రారంభం ఎప్పుడైనదో నిర్ణయించటానికి మన గ్రంథాలలో ఉన్న ఖగోళ సమాచారం సహాయకారిగా ఉంటుంది.
మన ప్రాచీన రచయితలు గొప్ప ఖగోళ శాస్త్రజ్ఞులు .ఈ విషయాన్నీ పశ్చాత్త్య indologists విస్మరించి ఈ సమాచారాన్ని గణన లోకితీసుకోలేదు .
వాడుకోగలిగిన ఖగోళ సమాచారం :
భారత యుద్ధ సమయం లో చంద్ర గ్రహాణం ,వెంటనే 13-14 దినాల్లో సూర్య గ్రహణం వచ్చినట్టుగా సమాచారం ఉన్నది. ఈ సమాచారం ప్రకారం బాలకృష్ణ అన్న పరిశోధకుడు, కంప్యూటర్ల సహాయం తో భారత యుద్ధ కాలం , సా.శ .పూ . 1397, 1708,1853,2056, 2599, 3129 లలో ఒకటిగా లెక్కకట్టాడు .ఈ సౌలభ్యం పూర్వ indologists కి లేదు .అందుకని వారిని తప్ప పట్ట లేము
సూర్య సిద్ధాంత ప్రకారం కలి మొదలైన అమావాస్య నాడు సూర్యుడు ,వసంత విషు వు ( Vernal Equinox) నుంచి 54 డిగ్రీల దూరం లో ఉన్నాడు. దీని ప్రకారం కలి యుగం , సా.శ .పూ . 3102 లో ఫిబ్రవరి 17/18 న మొదలై ఉండాలి .
భారత యుద్ధం జరిగిన 36 సంవత్సరాలకి కలి యుగం ప్రారంభమైనదన్న సమచారం మహా భారతం లో ఉన్నది అంటే భారత్ యుద్ధకాలం సా .శ . పూ . 3138 లో జరిగి ఉండాలి ..ఇది బాల కృష్ణ ఇచ్చిన తేదీల్లో 3129 కి దగ్గరగా ఉన్నది .
మహా భారతం లో చెప్పిన శుక్ర ,గురు , గ్రహాల స్థితిని బట్టీ , సప్తర్షి మండలం మఖలో ఉన్నాడన్న సమాచారం బట్టీ కూడా కలి యుగ ప్రారంభం

సా.శ .పూ . 3102 అని వస్తుంది .
సప్తర్షి మండలం మఖలో ఉండటం అంటే ఏమిటి అన్న దాన్ని పట్ల కొంత గందరగోళం ఉన్నది .పైగా సప్తర్షి మండలం ఉదయించటం ,

సా .శ . పూ . 3138 లో గమనించటం ఆంధ్ర దేశం లోను, గోవా లోను మాత్రమే సాధ్యం అన్న విమర్శ ఉన్నది . పరశురాముడి కాలానికే గోవా ప్రాంతం లోను , భారత యుద్ధ కాలం నాటికే ఆంధ్ర దేశం లొనూ , రాముడి కాలానికే , తమిళ నాట మన ఋషుల పీఠాలు స్థాపించబడి నట్టు ఊహించటం కష్టం కాదు .
ఐహోలే లో పులకేశి వేసి శాసనం కూడా ఈ తేదీనే సమర్థిస్తుంది.
సరస్వతీ నదీ ప్రవాహం చేస్తున్న హోరు వింటూ వ్యాసుడు రచన చేసాడు అంటే అంటే ఆ కాలం సా . శ . పూ . 3000 లకి తరువాతది కాదు.

. ఇంత సమాచారాన్ని పక్కన పెట్టి ఒక అతి బలహీనమైన ఊహ అయిన ‘ మౌర్య చంద్ర గుప్తుడి కాలం లో అలెగ్జాండర్ దండ యాత్ర జారిగింది ‘ ని పట్టుకు వెళ్లాడటం ఎంత శాస్త్రీయమో మన చరిత్రకారులు నిర్ణయించుకోవాల్సి ఉన్నది .
నా ప్రకారం భారత కాలానికి చెందిన కొన్ని తేదీలు ;
సంఘటన కాలం( సా. శ . పూ .)
1 కృష్ణ ధర్మ రాజుల జననం 3190
2ధర్మరాజు పట్టాభిషేకం 3138
3.పరీక్షిత్తు పట్టాభిషేకం 3101
4. వ్యాస భారత రచన పూర్తి 3099
5. పరీక్షిత్తు మరణం 3042
6. జనమేజయ శాసనం 3018

Written by kavanasarma

May 4, 2018 at 11:50 pm

Posted in Uncategorized

%d bloggers like this: