Kavana Sarma Kaburlu – Sarada Anuvakkulu

All Rights Reserved

మనదేశం ,మనసంస్కృతి, మనుచరిత్ర, మన విజ్ఞానం

మనదేశం ,మనసంస్కృతి, మనుచరిత్ర, మన విజ్ఞానం -నా అవగాహన
2 ద్రావిడ ఆర్య పదాలు ( కొనసాగింపు )
ఆర్య పదం :
ఒక మంచి వాడు ,ప్రయోజకుడు, యజ్ఞాలు చేసేవాడు అయిన కుటుంబీకుడిని ఆర్యుడు అనే వారు. .
అమరకోసం " ఒక మంచి కుటుంబం కి చెందిన వాడు,, నాగరకుడు ,మంచివాడు మృదు స్వభావి అయినా వాడు ఆర్యుడు అంటుంది .
మన కావ్యాలలో సంబోధనా ప్రథమా విభక్తిలో ఒకరి నొకరు "ఆర్యా !"అనటం కనిపిస్తుంది. అంటే గౌరవ నీయుడా అని అర్థం గా చెప్పుకోవచ్చు.
అరియ, అయ్య ,అజ్జ లాంటి తద్భవాలు పాళీ, ప్రాకృతాల్లో కనిపిస్తాయి తెలుగులో అయ్య, కన్నడం లో అజ్జి అనే పదాలు ఉన్నాయి. హిందీ లో ఈ పదం ‘జీ’ కింద మారింది .
ఆర్య అన్న సంబోధన రామాయణం లో వా నరులైన వాలి సుగ్రీవుల పట్ల వాడబడింది అని తెలిసినవారు అన్నారు,. నాకు కనపడలేదు కానీ . అల్లాగే రాక్షసు డైన రావణునికి వాడబడింది .ఋగ్వేదం లో ఒక 30 సార్లు ఈ పదం కనిపిస్తుంది వీరు పశువుల్ని మేపుకోవటం గురించి ఉన్నది.వీరి రంగు తెలుపు గా చెప్పబడినది. కానీ ఆర్యులుగా సంబోధింపబడిన వారిలో , రాముడు కృష్ణుడు వారి స్త్రీలలో ద్రౌ పది వంటి కొందరు నల్లని అందమైన వారు. వ్యాసుడు అందమైన
వాడు కాదేమో కానీ నల్లని వాడు

అయితే ఆర్యలు ఒక జాతి అనే అభిప్రాయం ఎప్పుడు ఏర్పడింది ? ఎందుకు ఏర్పడింది ఆ? అనే విషయం చెప్పాలంటే అది ఒక పెద్ద కథ .
వలస వచ్చిన వారు వ్యాపార నుంచి పరిపాలనకి మారిన క్రమం లో వారికి పాలితుల పట్ల ఆసక్తి కలిగింది .ఆ ఆసక్తి కారణం గా వారు వేదాలు ఉపనిషత్తులు , కావ్యాలు ,అధ్యయనం చేసి వారికి అర్థమైనట్టుగా ఇంగగ్లీష్ , ఫ్రెంచ్, జర్మన్ భాషలలోకి అనువదించారు
మన కళలు. తత్వ శాస్త్రాలు, సంస్కృతి , విలువలు ఆచారాలు భాష మొదలైన వాటి గురించిన అధ్యయనాల శాఖలు Indology Indic Studies గా ఏర్పడ్డాయి .వీటికి ఆద్యుడు విలియం జోన్స్. ,ప్రసిద్ధుడు మాక్స్ ముల్లర్ ,నిఘంటువు వ్రాసిన వాడు మోనియర్ విలియమ్స్ ఈ శాఖల లో పరిశ్రమించిన వారిలో , భారతీయులు ఉన్నారు
మొదట్లో Indo – German గాను ,మధ్యలో ఆర్యన్ గాను, ఆపైన ఇప్పుడు Indo- European పిలుస్తున్న భాషాకూటమి ని గుర్తించటం ఆ కూటమికి చెందిన భాషల్ని మాట్లాడే జనం ప్రపంచం లో 5.7 % ఉండటం వలన .అందులో మనదేశానికి చెందిన సంస్కృతం ముఖ్య పాత్ర పోషించటం వలన దాని పట్ల పండితులకి ఆసక్తి కలిగింది
మన చరిత్రని ,, వివరించటానికి ,దేశీయ గ్రంథాలని మూల భాషల్లో చదువుకుని శ్రమించిన మన వారు ఆంగ్ల అనువాదాలను అనుసరించి శ్రమించిన మన వారు ఉన్నారు అందులో కొందరు నీలకంఠ శాస్త్రి ,రాహుల్ సాంకృత్యాయన్, కోశాంబి, దేబి ప్రసాద్ చటోపాధ్యాయ ,రొమిలా థాపర్ లు ( సశేషం

Written by kavanasarma

April 30, 2018 at 11:31 pm

Posted in Uncategorized

%d bloggers like this: