Kavana Sarma Kaburlu – Sarada Anuvakkulu

All Rights Reserved

గౌరవప్రదమైన తెలుగు భాష

తెలుగు భాషా వాడకం పెక్కు కాలం గా తెలుగు నాట పాలకులు కొలువులో వాడే భాష సంస్కృతం ( బహుశా ప్రాకృతం /పాళీ ) ఉర్దూ, ఇంగ్లీష్ లు గా ఉన్నాయి. దాంతో ఉద్యోగస్థు ల భాష ,నాగరకమైనది స్థానికులు మాట్లాడే భాష అనాగరకమైనది అన్న అభిప్రాయం చదవను వ్రాయను వచ్చిన వారిలో పాతుకు పోయింది.
గిడుగు వారు వ్యవాహారికం వాడమని చెప్పటం లోను, కాశీనాధుని నాగేశ్వర రావు గారు తెలుగు వాడకం అగౌరవం కాదు అని చెప్పటం లోను ఆ భావం తీసెయ్యాలనే . చాళుక్య రాజు నన్నయ చేత తెలుగులో భారతం వ్రాయించే ప్రయత్నం చేసినా అ తిక్కన లాంటి కొద్దీ కవుల ను వదిలి పెడితే మిగిలిన కవుల భాష సంస్కృ త పదాలతో తద్భవాలతో నిండిపోయింది . శృంగార వర్ణనలకి కవులు సంస్కృతం వాడే వారు జయదేవుడి అష్టపదులు సభామర్యాద పొందితే మువ్వగోపాల పదాలు వేశ్యల ఆట పాటలకి ఆలవాలం అయ్యాయి. అందుకే బూతుకి సంస్కృతం అనే పర్యాయపదం పామరుల భాషలో స్థిర పడింది
" ఈ యన నా మొగుడు " అని ఏ ఇల్లాలు నలుగురిలో అనదు . " మావారు అనో నా భర్త అనో , my husband , మా సార్ " అనో అంటుంది అందులో మా వారు మాత్రమే తెలుగు. మొగుడు కంటే నాజూకైన పదం .అనుకుంటాం
నేను ఈ మధ్య scrotum అనే మాటకి ‘వట్టల సంచి ‘ అని వాడాను గర్భ సంచి అన్న మాట లాంటిదికదా అని ఏ మొహమాటం లేకుండా దాన్ని వాడకం చేయాలన్న పట్టుదలతో చేసాను. అదీ ఒక వైద్యానికి సంబంధించిన సందర్భం లో. దానికి చాలా గట్టి ప్రతిఘటనే వచ్చింది . తెలుగులో శాస్త్రీయ రచనలు చేయటానికి అనవసరం గా సంస్కృతం వాడరాదని నా నియమం
చామదుంపలు /బెండకాయలు ఆయిల్ లో ఫ్రై చేయటం పట్ల కూడా మన వైఖరి మార్చుకోవాలి. అన్నం పులుసు చారు లాంటి పదాలు వాడటం మర్చిపోరాదు . మనం తెలుగుని గౌరవిస్తేనే ఇతరులు చేస్తారని నా మనవి. అంతే కానీ తెలుగు తెలుగు మేష్టర్ల ఉద్యోగాల కోసం కాదు

Written by kavanasarma

August 30, 2017 at 4:08 am

Posted in Uncategorized

%d bloggers like this: