Kavana Sarma Kaburlu

All Rights Reserved

నేను రాజకీయ భావాల ప్రవాహం లో నా ప్రయాణం : 3 వ విడత ,సతీశ్ ధవన్ Indian Institute of Science కి డైరెక్టర్ గా ఉ న్న కాలం 1962-1981

leave a comment »

నేను రాజకీయ భావాల ప్రవాహం లో నా ప్రయాణం : 3 వ విడత ,సతీశ్ ధవన్ Indian Institute of Science కి డైరెక్టర్ గా ఉన్న కాలం 1962-1981. ధావన్ తో రెండో భేటి :

మా సంస్థలో ప్రతి ఒక్క బోధకుడు, విద్యార్థి ,ఆఫీసరు ,తప్సని సరిగా సభ్యత్వ రుసుముచెల్లించి సభ్యులుగా ఉండే క్రీడలు సాంస్కృతిక కార్యకలాపాలు నిర్వహించే ,జింఖానా (GK) అనే ఒక సంఘం ఉంది .దానిని పర్యవేక్షణ కి ఒక గరిష్ఠుడైన ఒక ఆచార్యుడిని Director నియమిస్తాడు అతనిని అధ్యక్షుడు( ప్రెసిడెంట్) అంటారు. కథాకాలానికి ఆ పదవిలో కామా అనే బయో కెమిస్ట్రీ ( BC) ఆయన ఉన్నాడు . సభాపతి ( చైర్మన్ సప ), కార్యదర్శి ( కాద) ,కోశాధిపతి ( కోప) పదవుల్లో ఎన్నికైన వారు ఉంటారు .కథాకాలానికి , కెమికల్ ఇంజినీరింగ్ ( Ch.E.) చెందిన

వైశ్ అనే

పరిశోధక విద్యార్థి సప గాను ,BC కి చెందిన సలీమ్ ఖాన్ అనే పరిశోధక విద్యార్థి కాద గాను ఉన్నారు.
నేను ఆస్ట్రేలియా నుంచి 1972 లో వెనక్కి వచ్చాక తెలుగు సమితి కార్యక్రమాలలో చురుకుగా పాల్గొంటూ ఉండేవాడిని .ఆ సందర్భం లో GK లో నాటకం వేయటానికి అనుమతి కావాలంటే, ఉత్తరం పెట్టి వచ్చాను నాటకం ముందు రోజు నాకు వైశ్ అనుమతి ఇవ్వలేదని తెలిసింది .అతన్నే అడిగాను " నువ్వు అడిగావు కానీ నేను ఇవ్వలేదు కదా" అన్నాడు .ఆ సారికి మరో చోట సర్దుకున్నాను . నేను అవమానాలని భరించే విషయం లో చాణక్యుడి లాంటి వాడిని .క్రమేపి అతను GK కి ఏక చాత్రాదిపత్యం గా ఏలుతున్నాడని ,UP కి చెందిన అతను దక్షిణాత్యుల పట్ల ఉదాసీనం గా ఉంటాడని తెలిసింది .
7 3 -74 లో ఎన్నికలు ప్రకటించగానే నేను కోప గ నామినేషన్ వేసాను . వైశ్ కి ఎన్నికలు ఇష్టం లేదు .అందుకని నాకు ఆపదవి వదిలి పెట్టడం ద్వారా అందరం నాతో సహా ఏకగ్రీవం గా ఎన్నికయ్యేటట్టు జాగ్రత్తపడ్డాడు తద్వారా అతను సప గ ఖాన్ కాద గా మళ్ళీ గెలిచారు ..వైశ్ తన పేరు స్థిరంగా ఉండాలని GKకి ఒక అయు బయలు రంగ స్థలం కట్టిస్తున్నాడని నాకు తెలుసు . అతనికి తెలియనిది డబ్బు ఎందుకో చెప్తే తప్ప నేను చెక్కుల మీద సంతకం పెట్టనని .నాకు తెలియనిది మా ముగ్గురిలో ఏ ఇద్దరు సంతకం పెట్టినా డబ్బు తీయవచ్చనన్న నిబంధన గురించి అతనికి తెలుసునన్నది .నన్ను పక్కన పెట్టేసాడు. కానీ అకౌంట్స్ వ్రాయాల్సింది నేనే కదా నాకు వౌచర్లు కుప్పతిప్పలుగా వచ్చిపడ సాగాయి. అవి bank నుంచి తీసిన మొత్తానికి చాలా రెట్లు ఉండటం తో డబ్బు ఎక్కడ నుంచి వస్తోందన్న అనుమానం కలిగింది .
కాఫీ క్లబ్ లో కాఫీలు అమ్మిన డబ్బు, షటిల్స్,టి టి బంతులు అమ్మిన డబ్బులు అతను వాడేసుకున్తున్నట్టు అర్ధమైంది .కాఫీ క్లబ్ కోసం హాస్టల్ నుంచి అప్పు మీద తెచ్చిన పాల ,కాఫీ పొడి బిల్లులు , ఆటల కొట్లవాళ్ళ సప్లై బిల్లులు చెల్లించటం లేదని అర్థమైంది .
ఆచార్య కామా కి వెళ్లి చెప్పాను .
ఆయన" విద్యార్థుల గొడవల్లో నేను తలదూర్చను " అన్నాడు
‘" నేనూ మీలానే కానీ కాస్త చిన్న సహాయక ( అసిస్టెంట్) ప్రొఫెసర్ని. విద్యార్థిని కాదు " అన్నాను
ఆయన "అయినా నేను నీ మాట వినను .సలీం మంచివాడు "అన్నాడు
అప్పుడు ధవన్ దగ్గర మొర పెట్టుకోడానికి చాల విశ్వాసం తో వెళ్ళాను .ఆయన నన్ను చూడ నిరాకరించాడు సమయం లేక .
నాకు ఉక్రోషం వచ్చింది ఆయన PA తో : "నేను ౩౦౦ సంతకాలు సేకరించి ప్రత్యేక GBM కి పిలుపు ఇస్తాను ‘అందులో దోషులుగా వైశ్ తో పాటు కామా గారిని ,వారితో పాటు విధి లేక మిమ్మలిని ఇరికిస్తాను’ అన్నాను అని ధవన్ గారికి చెప్పండి" అని చెప్పి మా డిపార్టుమెంటు కి వచ్చేసాను . కాస్సేపటికి కామా నుంచి ఫోను .ఆయనని, ధవన్ నాతో GK విషయం సామరస్యం గా చర్చించి సమస్య పరిష్కరించమాన్నాడని ,నను రమ్మనీ ను .
డబ్బు విషయం లో నా అనుమతి లేకుండా ఖర్చు పెట్టె వీలు వైశ్ కోల్పోయాడు. GK ని పట్టాలు ఎక్కించాను .మరుసటి ఏడ ఎన్నికల్లో అన్ని పదవులకి సరైన అభ్యర్ధుల చేత పోటీ చేయించి , అజయులు అని అందరూ నమ్మిన అతని పాతాళం లోత్తన్ని ఏక మొత్తం గా ఓడేలా చేశాను. అది కొందరు పెద్ద ఆచార్యులకి నచ్చ లేదు . కానీ ధవన్ నన్ను ఏమీ నలేదు
నా స్నేహితుడు పరీక్షలో, బీహారుకి చెందిన విద్యార్థి తప్పాడు. పైగా అతను దళితుడు. ధవన్ మీద కేంద్రం నుంచి వత్తిడి వచ్చింది .ఆయన , ఆ విద్యార్థికి మరోసారి పరీక్ష పెట్టమన్నాడు . .ఆ పరీక్షలోనూ తప్పాడు ఆ విద్యార్థి.
."మీరు తప్పదు ఆ స్థాయి విద్యార్థికి లేక పోయిన పరవాలేదు పాస్ చెయ్యి అంటే చేస్తాను .కానీ ఆ పాపం మీ ఖాతాకే వేస్తాను " అన్నాడు నా స్నేహితుడు.

" కేంద్ర మం త్రి తో నా తిప్పలు నేను పడతాను. ఆ విద్యార్ధి మరో సారి చదువుతాడు.నువ్వు పాస్ చేయ వద్దు " అన్నాడు ధవన్.
ధవన్ గొప్ప తనం ఏమిటంటే సవ్యమైన కారణానికి ఆయనని ఎదురించి బతికి బట్టకట్ట వచ్చు ఎంత చిన్న వాళ్ళు అయినా.

ఆ ఏడు TT నేషనల్ చాంపియన్ కబాడ్ జయంత్ మా సంస్థ విద్యార్థి గా ఉండటం కారణం గా వైశ్ పూనికతో జపాన్. ఇండియా ల మద్య అంతర్జాతీయ పోటీ నిర్వహించాము
.

ఈ కథకి ముగింపు . వైశ్ కట్టిన ఆరుబయలు రంగస్థలం తో నాకు కొన్ని మధుర స్మృతులు ఉన్నాయి .ఆ ఆరుబయలు రంగస్థలం లో ఆ సంవత్సరం కాళ రాత్రి నాటకం ఆడించాను. విశ్వనాధ సత్యనారాయణ గారి సభ ని అక్కడే ఏర్పాటు చేసి పరిచయం చేసాను 400 మంది వచ్చారు

అదే వేదిక మీద ఒక దశాబ్దం తరవాత అంతర్కలళా శాల ల సాంస్కృతిక కార్యక్రమాలు నిర్వహించటం దానికి నేను న్యాయ నిర్ణేతగా ఉండటం ,ఆ పోటీలో రమేశ్ అరవింద్ UVCE నుంచి పాల్గొని బహుమతి పొందటం ఒక గోప్ప జ్ఞాపకం

నేను Convenor of Environmental studies program (1978-79 ) గా ఉన్న సమయం లో GK యొక్క ఈతకొలను ఆరోగ్య పరిరక్షణ బాధ్యత ధవన్ నన్ను పిలిచి నాకు అప్పచెప్పటం ఒక గొప్ప అనుభవం.
ధవన్ తో నా చివరి భేటి మా ఇద్దరికీ బాధ కలిగించింది అది మరో సారి

Advertisements

Written by kavanasarma

September 6, 2018 at 10:46 am

Posted in Uncategorized

On 3 Laws of Conservation

leave a comment »

On 3 laws of conservation
1 Law of conservation of Momentum:
Descartes found aroud 1640 that usage of a quantity which is the product of Mass and Velocity helps very much in the study of Mechanics .The name ‘Cartesean coordinate system’ is given in his honour.
Later Newton through his laws ( 1687 ) gave the law of coservation of momentum
Langrange ( 1788) and Hamilton (1833) expressed the same law in different systems of coordinates
2.Law of conservation of Mass :
Lomonosov found (1756) that mass was coserved in his experiments with closed systems.
Independently Levoisier ( 1785) found that in a chemical reaction , mass is coserved in a closed system
3.Law of conservation of Energy.
Carnot (1832) found that all the heat a body has can not be put to useful work . Some heat is lost in the process
Classius (1855) proposed a law that Heat is conserved
Boltzman (1866,1896 ) thought originlly that he could prove 2nd law of Thermodynmics ( Carmnot) but concluded later that it was not possible to prove through his Statistical Mechanics .
It may be noted first law of thermodynamics was not known to Carnot and Boltzman
It is Noether (1918) who could rigorously prove the first law of Thermodynmics that " Energy can neither be created nor destroyed " We now know energy has many forms ; Potential, Kinetic, Heat,Nucler and chemical
The combined law of conservation of Mass (2) and Energy (3) was the result of Einstein’s special theory of Relativity ,derived from his famous equation E=MC^2 or ( Delta E) =( Delta )MC^2
"The mass and energy as a whole are conserved and not seperately’

Written by kavanasarma

August 29, 2018 at 4:04 am

Posted in Uncategorized

naa katha naalugu dinaalu

leave a comment »

ఈ కథ మొదట్లో కౌముది లోను రచన లోను వచ్చింది 2007 /8. తరవాత " కవన శర్మ కథలు "అన్న పేరుతో విశాలాంధ్ర వారు ప్రచురించిన సంకలనం లో వచ్చింది 2011

Written by kavanasarma

August 21, 2018 at 2:12 am

Posted in Uncategorized

నేను రాజకీయ భావాల ప్రవాహం లో నా ప్రయాణం : 3 వ విడత ,సతీశ్ ధవన్ Indian Institute of Science కి డైరెక్టర్ గా ఉ న్న కాలం 1962-1981

leave a comment »

నేను రాజకీయ భావాల ప్రవాహం లో నా ప్రయాణం : 3 వ విడత ,సతీశ్ ధవన్ Indian Institute of Science కి డైరెక్టర్ గా ఉన్న కాలం 1962-1981 ; రెండో భాగం1970- 73
నేను ఆస్ట్రేలియా వెళ్లి 1972 జులై లో తిరిగి వచ్చేసరికి నాకు, ఇందిరాగాంధీకి ధవన్ కి, కొంత ప్రఖ్యాతివచ్చింది
నా విషయం లో మొదటి కారణం నేను బ్రెయిన్ డ్రైన్ , వడ్డించే మనవాళ్ళ కథలు అనేచిన్న సీరియల్సు ,ఆంద్ర సచిత్ర వార పత్రికలో వ్రాసి ఉన్నాను .అదే పత్రిక దీపావళికి నిర్వహించినపోటీలో ఎదురీతకథ అనే నాకథ బహుమతిపొందింది .ఆ రచనలు IISc లోని తె లుగు ప్రొఫెసర్లలో నాకు రచయితగా కొంత గుర్తింపు తెచ్చాయి . చదువు కోసం కాక చదువు చె ప్పటానికి విదేశం వెళ్లిన ఘనుల జాబితాలో నేను చేరటం రెండో కారణం . ఉద్యోగపర్వాలు వ్రాసిన లేళ్ళపల్లి శర్మని IIT శర్మ గాను నన్ను ఆస్ట్రేలియా శర్మ గాను ,సాహితీ బృందాలలో వ్యవహరించా సాగారు .ఏదైతేనేమి "వీడు.మన ఆయుపట్ల మీద దెబ్బ కొట్టాడాంటే వీడు మరీ డిపార్ట్మెంట్ మనకి చెప్పినంత ఏబ్రాసి కాడు " అన్న సదభిప్రాయం నామీద కలిగినట్టు పోల్చుకున్నాను .
నాతో, ఆస్ట్రేలియన్లు ,"పాకిస్థాన్ కి F-16 లు ఉన్నాయి మీరు పాకిస్థాన్ తో చాల Compete ) లేరు "అనేవారు బంగ్లాదేశ్ యుద్ధ సందర్భం లో . కానీ ఇందిరా గాంధీ బాంగ్లాదేశ్ ని విముక్తి చేసింది
నేను తిరిగి వచ్చేటప్పటికి ధవన్ ఇస్రో (ISRO) Chairman అయ్యారు ఆయనే Space డిపార్ట్మెంట్ కి సెక్రటరీ కూడాను బెంగళూరే దానికి Head Quarters గా ఉండాలని అమ్మ దగ్గర మంకు పట్టు పట్టి సాధించుకున్నాడు .ఆయన తిరిగి వచ్చే సరికి మొదటి అంతర్ గ్ర హం పంపే ప్రయత్నాల లో ఉన్నారు . నేను వారిని కలవటానికి సమయం అడిగి ఉత్త గౌరవార్ధం అని బతిమాలాక నాతో 5 నిముషాలు గడిపారు అంతకు పూర్వం ఆయన గదికి తలుపు మాత్రమే అడ్డు. ఇప్పుడు పూజారి కూడా అడ్డుగా ఉన్నాడు .
తిరిగి రాగానే " నేను ఒచ్చేసానోచ్ ! నా ప్రమోషన్ మాట ఏంటి" అని తలకాయని అడిగాను. "

ఆయన నన్ను గట్టిగా సమర్ధిస్తూ సిఫార్సు చేశారు రెండు నెలలు గడిచినా కాయితం కి చలనం రాలేదు ఈ లోపల మా తలకాయ రిటైర్ అయి .మాకు ఇంకో తలమొలిచింది .కొత్త ఆయనని వెళ్లి అడిగాను " డీపీర్ట్మెంట్ నిన్ను Recommend చేసింది . Registrar తో చెప్పి ప్రాసెస్ మొదలు పెట్టించులో" అన్నాడు ఆయన . రిజిస్ట్రార్ నాకథలకి Fan కనక ధైర్యంగా వెళ్లి అడిగాను ఈ విషయం వంగతోట పరిధి లోనిది అంటూ ," పాత తలకాయ ,రిటైర్ అయ్యే రెండ్రోజుల ముందు recommend చేస్తే కుదరదు కొత్త తలకాయ కొత్త కాయితం వ్రాయాలి " అన్నాడు . మళ్ళీవెళ్లి తలకాయ కాలు పట్టుకున్నాను ".చూడమ్మా శర్మా ! రిజిస్ట్రార్ మీ తెలుగు వాడే కదా ఇక్కడ నుంచి వెళ్లిన కాయితం చెల్లదు కొత్త కాయితం వ్రాయమంటూ నోట్ పెట్టి వెనక్కి పంపించమను " అని నచ్చచెప్పారు. ఆయనా , వెనక్కి పంపడు ఈ యనా, ముందుకు పంపడు . అడకత్తెరలో పోక చెక్క అయిపోయాను ,
ధవన్ , తో "నీవే మొగుడివి నీవే గతివి నిజముగా సతీశా !" అని చెప్పదలుచుకున్న వాడినై appointment ని కోరాను కానీ ఆయన ఇవ్వ నిరాకరించాడు అప్పుడు నాకు స్థిరపడుతున్న దినాల్లో ఇందిరాగాంధీ కి స్థిరపడిన ఇందిరా గాంధీ కి తేడా ఉన్నట్టే పాతా ధవన్ కీ కొత్త ధవన్ కీ తేడా ఉన్నద ని తెలిసింది
ఏంచేయ్యాలా? అని ఆలోచిస్తుంటే నాకు ఆస్ట్రేలియా నుంచి తెచ్చుకున్న ఆసు( ace) అస్త్రం స్ఫురణకు వచ్చింది .నేను తిరిగి వస్తూ నేను మనసు మా ర్చుకుంటే ఏడాది లోపల తిరిగి వెళ్ళగలగటాని వీసా గుద్దించుకుని వచ్చాను. ఆ దినాల్లో అడిగితే చాలు ఇచ్చేవారు
" ఆయన నన్ను చూడకపోతే, ఆ కారణం గా resign చేసి వెళ్లిపోతానని చెప్పు " అని పూజారికి చెప్పి వచ్చేసాను
నేను డిపార్ట్మెంట్ కి చేరానో లేదో "డైరెక్టర్, నిన్ను ఫోనులో పిలుస్తున్నారు" అని ఆఫీసునుంచి కబురు వచ్చింది. అప్పుడు నాకు టేబుల్ లేదు అందుకని దానిమీద ఫోనూలేదు .ఆఫీసుకి వెళ్ళాను .ఆయన నా కినుకకి కారణం తెలుసుకుని ‘ మీ హెడ్ ని కాయితం పంపమని నేను చెప్పానని చెప్పు " అన్నాడు
" ఆ మాట మీరే ఆయనతో చెప్పండి నేను చెప్తే నేను తన మీద మీకు ఫిర్యాదు చేసా నని అనుమానిస్తాడు. పైగా మీరు మాట్లాడుతున్నది ఇక్కడ ఎవరికీ వినపడదు కానీ నేను మాట్లాడేది వినపడుతోంది ఆఫీసులో బోలెడు ఉత్సవాహం గా వింటున్నారు " అని చెప్పాను. ఆయన "సరే నేనే చెప్తాను " అని చెప్పాడు నాకు జులై 1973 ప్రమోషన్ వచ్చింది అసిస్టెంట్ ప్రొఫెసర్ గా. తరవాత తరవాత ధవన్ తో ఫోన్ లో మాట్లాడటం కూడా గగనం అయిపొయింది. ఆయన శాఖ అప్పు డదే కదా 1
ఆయా రోజుల్లో నేను IISc ,మీద వ్రాసి ప్రదర్శించిన బుర్ర కథలో ఇలా వ్రాసాను
" అన్నుల మిన్నా అందాల భరిణ
అతని చిన్న రాణీ అతని స్పేసు రాణీ "
"చిన్న రాణీ మోజులో పడి పెద్దరాణీ అయినా Institute ని ఆమెవలన కలిగిన పిల్లలమైన మమ్మలిని,మర్చిపోయాడు తన రాజ్యానికి నాలుగు భాగాలు చేసి నలుగురు ప్రతినిధులని నియమించి పరిపాలన కొనసాగించసాగాడు"

ఆ ప్రదర్శన చూడ టానికి వచ్చిన తెలుగు రిజిస్ట్రారు ,తెలుగు Divisional Chairman ముసి ముసి నవ్వులు నవ్వుతూ చూసారు ఆ DC కి ధవన్ శిషుడే కనక ( పైగా ఇద్దరూ Calech వారే ) ననే న్నది చెప్పే ఉంటారు
నేను మరో రెండు సార్లు ధవన్ రిటైర్ అయ్యేలోపల ధవన్ తో తలపడ్డాను ( మరో రెండు భాగాల్లో ఇటుపిమ్మట ) .

Written by kavanasarma

August 20, 2018 at 2:50 am

Posted in Uncategorized

నేను రాజకీయ భావాల ప్రవాహం లో నా ప్రయాణం

leave a comment »

నేను రాజకీయ భావాల ప్రవాహం లో నా ప్రయాణం : 3 వ విడత ,సతీశ్ ధవన్ Indian Institute of Science కి డైరెక్టర్ గా ఉన్న కాలం 1962-1981 ; మొదటి భాగం1972 వరకు నేను IISc లో 1962 నవంబర్ లో Ph.D. చేసే నిమిత్తం చేరాను. అప్పుడే సతీశ్ ధవన్ డైరెక్టర్ గా బాధ్యత తీసుకున్నారు . ఇండియా యొక్క సైన్స్ సాంకేతిక ప్రగతి చరిత్రలో మా సంస్థకి పెద్ద పాత్రే ఉంది.
ఆ సంస్థకి అంతకు పూర్వం నోబెల్ బహుమతి పొందిన C V Raman, director గా ఉండి తన తరవాత కళ్లేలు తన శిష్యుడైన సూరి భగవంతానికి ఇచ్చారు. ఆ కాలం లో రీసెర్చ్ లో ఒక నెమ్మది తనం పరుచుకు ఉండేది .
అప్పుడు 42 ఏళ్ల కుర్రవాడైన ధవన్ కి పగ్గాలు తాతా ( భారత రత్న JRD టాటా ) వంశస్థుడు అప్పచెప్పారు .
ధవన్ కాలం లో మా సంస్థ కొత్త దారులు తొక్కింది కొత్త వేగం అందుకుంది. దానికి కొంతకారణం ఇందిరా గాంధీ . యథా రాజా తథా ప్రజా . దేశం లో రాజకీయ ప్రభావాలు మా సంస్థ మీద దాని వల్ల మా మీద పడకుండా ఉండవు కదా . ఆ కథే ఇక్కడ నేను చెప్పబోతున్నది .
జనకుడి రాజ్యం లో సామాన్యులు కూడా గొప్ప వేదాంతులైనట్టు , మా సంస్థలో నా లాటి సామాన్యుడు కూడా బయటి ప్రపంచం లో మేధావి అన్న పేరు కొట్టేస్తాడు. ఇక్కడి scientist లని ఏబీసీడీ వర్గాలుగా విభజిస్తే నేను బీ వర్గం లో పడతానేమో .ఏ ఖచ్చితం గా కాను . నా జీవితమంతా నా పాటి, నాకన్నా, తెలివైన వారి తో రాజకీయ చదరంగం ఆడాల్సి వచ్చింది.
ఇక్కడ వారి గురించి 1972/73 వ్రాసిన బుర్ర కథలో ఇలా వర్ణించాను ‘
" చేసే పనులకు నప్పే థీరీలు చెప్పే చెప్పుదురు భళాభళీ " వారి స్వలాభం ఎటు ఉందొ అటు ముక్కు తిప్పుకుని ముక్కు సూటిగా వెళ్లే తత్వం వారిది. ఇంతకు మించి వివరించటం అనవసరం .
ధవన్ డైరెక్టర్ అయ్యే నాటికి మొత్తం ఇన్సిట్యూట్ లో 9 మంది ప్రొఫెస్సర్లు తమకింద ఉన్న 100 మంది మేష్టర్లకి 1000 మంది స్టూడెంట్స్ కి భయ భక్తులు కలిగించి ఎవరి శాఖ ని వారు గొప్ప క్రమ శిక్షణ తో పాలించుకుంటూ ఉన్నారు.
అందులో కొందరికి ఈ కుర్ర ప్రభువు నచ్చక కోర్టుని ఆశ్రయించి దెబ్బ తిన్నారు .

అప్పటి నుంచి ధవన్ జైత్ర యాత్ర మొదలైంది . సెనేట్ లో ఈ అనుభవ వృద్ధులకి ముక్కుకి తాడు వేయటం ఎలాగా? అని ఆలోచించిన వాడై ,అంతవరకూ లేని Associate Professor అనే పదవిని సృష్టించి పేర్లు సూచించమని అడిగాడు .తమ పరిజనుల పేర్లు పెద్దలు ఆనందం గా సూచించారు అలా ఒక 33 మంది అసిస్టెంట్ ప్రొఫెసర్లని పైకి నెట్టడం జరిగింది. వాళ్ళు అందరు సెనేట్ సభ్యులయ్యారు. వారు తమ పేర్లు సూచించి పెద్దలకి కాక ధవన్ అనుయాయులవటం తో పెద్దల ఆటలు కట్టుబడ్డాయి. అది రాజకీయం గా ధవన్ వేసిన మొదటి విజయ పాచిక .
ఉద్యోగాలని 5 ఏళ్ల కాంట్రాక్టు ఉద్యోగాలుగా మార్చటం, విద్యార్థుల pre Ph.D. పరీక్షల్లో తాను స్వయంగా పాల్గొనటం తో శాఖల స్వయం ప్రపత్తులు కొంత దెబ్బ తిన్నాయి .ఒక కేంద్రీయ పాలనకు అంకురార్పణ జరిగింది
1965 లో దేశం లో వచ్చిన మార్పులకి అనుగుణం గా ధవన్ మా సంస్థలో faculty విస్తరణ ప్రోగ్రామ్ తలపెట్టి ప్రకటనలు జారీ చేసారు. అప్పుడు మా సంస్థలో Engineering డిపార్ట్మెంట్స్ లో Lecturer ఉద్యోగాలకి ఇప్పటిలాగా Ph.D. కలిగి ఉండాలన్న నియమం లేదు ME ఉండి కొంత Research experience ఉంటె సరిపోయేది . మా deaprtment కి బోలెడన్ని CBIP ప్రాజెక్ట్స్ వాటిలో ఉద్యోగాలు ఉండేవి నా సీనియర్స్ చాలా మంది వాటిలో కుదురుకున్నారు. కానీ ఒక్కడికీ నాకు లాగ పెళ్ళీ పెళ్ళాం , పిల్లలూ అంటూ జంజాటాలు లేవు. శని ఆదివారాల్లో South పెరేడ్ లో సినిమాలనీ అమ్మాయిలనీ చూస్తూ, 3 Aces లో బీరు తాగుతూ రికామీ గ ఉండే వారు .నేనల్లా కాదే ! AU లో లెక్చరర్ గా ఉన్నవాడిని అది వదులుకుని , ఆ వదులుకోక ముండే నాకు ఉద్యోగం ఉన్నద ని నన్ను ప్రేమించిన అమ్మాయితో పెళ్లి కుదుర్చుకుని ,బెంగళూరు రాగానే పెళ్లి చేసుకుని కాపురం పెట్టి ఆలస్యం చేయకుండా ఒక అమ్మాయికి తండ్రయి , మరోసారి మరో సంతానానికి రేపో మాపో అవబో తున్న వాడిని . అందుకని, నేను అప్లై చేయటానికి ,అనుమతి ఇవ్వమని మా ప్రొఫెసర్ని అర్ధించాను .
" ఆఉద్యోగం నీకు ఇవ్వను నీ సీనియర్ కి ఇవ్వలనుకుంటున్నాను " అన్నారాయన.
నేను IIT లో చదివి వచ్చిన వాడిని నా senior ఆయన వద్దే ME చేసిన వాడు ."ఉద్యోగం ఇవ్వకపోతే మానెయ్యండి .అప్లై చేయనివ్వండి " అని బతి మాలాను . మా మేష్టారికి నాకు గృహస్థ స్టేటస్ మీద సానుభూతి ఉంది. ఒకసారి ‘పెళ్లి చేసుకోను’ అంటున్న వాళ్ళ అమ్మాయితో ‘శర్మని చూసి బుద్ధి తెచ్చుకో " అన్నారు. ఆ సానుభూతి కార్డ్ ని తురుఫు ముక్కలా వాడాను . ఆయన అనుమతించారు
నా అ దృష్టం కొద్దీ మా ఇద్దరికీ ధవన్ ఉద్యోగాలు ఇచ్చారు అక్కడ ఫాకల్టీ గా చేరిపోయాను .
"వీడేదో Ph.D. చేసుకుని పోతాడు అనుకుంటే అది చేయకుండానే పాతుకు పోయాడే" అనుకున్నారు మా శాఖ లో పెద్దలు .నేనలా పాతుకు పోవటం వాళ్లకి నచ్చక నన్ను చాలా విధాలా వదుల్చుకుందామని చూసారు
1969 నాటికి నాకు Ph.D. వచ్చేసింది ఈ సారి అసిస్టెంట్ ప్రొఫెసర్ ఉద్యోగానికి ప్రకటన జారీ అయింది .నా గైడ్ అయిన పెద్దాయన రిటైర్ అయి ,రెండో ఆయన హెడ్ అయ్యారు. నేను ఆయన వద్ద Ph.D. చేయనందుకు ఆయనకీ నాపై గుర్రు ఉండేది .
ఆయన , ఆయన తరవాతి ఆయన, నా మీద ఉన్నవి లేనివి ,కల్పించి ధవన్ కి నూరి పోసారు . ఆ ఇంటర్వ్యూ లో నాకు ప్రమోషన్ రాక రెండో అతనికి వచ్చింది .
నాకు వేడి పుట్టింది. విదేశాలకి అప్లై చేయటం మొదలు పెట్టాను .నాకు నార్వే ఆస్ట్రేలియా లోను అవకాశాలు వచ్చాయి . నేను ఆస్ట్రేలియా కి కుటుంబంతో వెళ్ళటానికి నిశ్చయించుకున్నాను 2 సంవత్సరాలు సెలవు అడిగాను . నన్ను డిపార్ట్మెంట్ resign చేసి పొమ్మంది . ధవన్ కి మొరపెట్టుకున్నాను" నేను అంత పనికి మాలిన వాడిని అయితే రెండు దేశాలు నాకు అవకాశాలు ఇవ్వవు కదా " అని నా పట్ల ఉన్న వివక్ష ఆయనకి వివరించాను . ఆయన నాకు సెలవిచ్చాడు . నేను ఆస్ట్రేలియా లో ఉన్నప్పుడు వచ్చిన మరో ప్రకటనకు నేను దరఖాస్తు పెట్టుకుంటె" శర్మ ఇండియా వచ్చాక చూద్దాము" అంటూ నాకింది అతన్ని నా పైకి ప్రమోట్ చేసింది డిపార్ట్ మెంట్ .
1972 జులై లో మన దేశం తిరిగి వచ్చాను ( సశేషం )

Written by kavanasarma

August 18, 2018 at 3:08 am

Posted in Uncategorized

నేను, రాజకీయ భావాల ప్రవాహం లో నా ప్రయాణం : ర ెండో విడత 1964.-1985

leave a comment »

నేను, రాజకీయ భావాల ప్రవాహం లో నా ప్రయాణం : రెండో విడత 1964.-1985

మా అమ్మ మా నాన్న దేశం లో లేని సమయం లో అమ్మమ్మ గారింట్లో ఉండటం మూ లాన సమయం దొరికి , దక్షిణ భారత హిందీ ప్రచార సభ వారి పరీక్షలు ,మధ్యమ ,రాష్ట్ర అనే వాటికి కట్టి కృతార్థురాలైంది. ఆ విద్య ,మా నాన్న తో 65-66 ల మధ్య కెనడా వెళ్ళినప్పుడు, నాతో ట్రినిడాడ్ కి 1979- 80 లో వచ్చినప్పుడు మా అమ్మకి ఉత్తర భారతీయులు ,’మాజీ !’ అంటూ భక్తి చూపించటానికి తోడ్పడింది .కానీ నా పరిస్ధితి అదికాదు.
దేశానికి స్వతంత్రం రావటం విద్యా విధానం లో మార్పులు, నా చదువు మొదలవడం రమా రమి ఒకే సారి జరిగాయి నాకు 6 వ తరగతిలో ఇంగ్లీష్ లేదు హిందీ లేదు . 7 వ తరగతిలో రెండూ పెట్టారు . 8 వ తరగతిలో సంస్కృతమో హిందీయో చదవమన్నారు. .సంస్కృతం చదివాను .9 వ తరగతిలో హిందీ తప్పదు అన్నారు రెండు తె లుగులు పెట్టారు సాధారణ తెలుగు ప్రత్యేక తెలుగు అని రెండో దాని బదులు సంస్కృతం చదవ వచ్చు 4 గురు ఉంటె. కానీ లేరు .అందుకని 3 భాషా సూత్రం ప్రకారం తెలుగు హిందీ ఇంగ్లిష్ చదివాను.ఉత్తరదేశం లో వారికి రెండే భాషలు .ఈ వివక్ష వలన నాలాంటి దేశభక్తుడికి కూడా హిందీ అంటే కోపం వచ్చింది . 1953-54 SSLC ( 11 వ తరగతి ) పరీక్షలలో హిందీ పరీక్ష వ్రాయ తన్ని వ్యతిరేకిస్తూ , విద్యార్థుల కి నాయకత్వం వహించి హెడ్ మాస్టర్ కి చెప్పేసాను. పిల్లి తన మెడలో గంటకి మురిసి పోయి ఒప్పుకుంది అది నా మొదటి హిందీ వ్యతిరేక ప్రథమ ప్రకటన .
నెహ్రు చనిపోయాక వచ్చిన లాల్ బహదూర్ శాస్త్రి గారి కాలం లో హిందీ రుద్దటానికి మరో ప్రయత్నం జరిగింది .ఆ పని దేవానంద్ కి నూతన కి వదిలి పెట్టిన రోజుల్లో నాకు బాగానే హిందీ పట్టు పడింది పైగా ఖరగపూర్ IIT లో ఉండటం వలన ( 1960-61) "క్యా యార్ మోహుబత్ ,దిల్ దేనా " భాష తొందరగా వచ్చింది. బెంగాలీ అమ్మాయిలకి ‘బాలో భాషి’ చెప్పటం కుదరక తెలుగు అమ్మాయినే ప్రేమించి 1962 డిసెంబర్ లో ఇటు పెద్దలు అటు పెద్దలు ఒప్పుకోవటం తో తప్పుకోలేక పెళ్లాడేసాను .1962 లో IISc లో Ph.D కి జేరి కాపురం పెట్టేసాను. సుఖంగా కాపురం చేస్తున్నాను. మా పెద్దమ్మాయి పుట్టింది. రెండో అమ్మాయికి సిద్ధపడుతున్నాము
.సరిగా అప్పుడే శాస్త్రి గారు హిందీ రుద్ది పెద్ద తప్పు చేసాడు. దక్షిణ దేశము లో హిందీ వ్యతిరేకత పెద్ద వరద లా పొంగింది. .
నేనూ మరో మిత్రుడు కలిసి IISc లో ఒక దినం ఉపవాసం చేసాం .ఆ విషయం వార్తా పత్రికల్లో రావటం తో నా గైడు , మా డైరెక్టర్ ,విడి విడిగా అక్షింతలు వేసా రు.కానీ నా ఇతర స్నేహితులు దాన్ని relay hungar strikes అంటూ కొనసాగించారు అక్షింతలు పడ్డా హిందీ జగన్నాధుడి రథ చక్రాలు ఆగి పోయాయి .
మధ్య కాలం లో మేము కోదండ రావు అనే Servants of India Society ( గో.గోఖలే ) సంస్థ ఆయనని పిలిచి టౌన్ హాల్లో ఇంగ్లీషే కావాలని సభపెట్టాము. ఆ సభని RSS వారు అడ్డుకున్నారు. అది నాకు నచ్చలేదు. దాంతో నేను పూర్తిగా ఆ సంఘానికి దూరం గా జరిగాను.

లాల్ బహదూర్ శాస్త్రి గారు పాకిస్థాన్ తో మొదటి యుద్ధం గెలిచారు. రష్యాలో చ నిపోయారు. గాంధీ వంశ పాలన ఇందిరా గాంధీ తో మొదలైంది. రాజరికపు భరణాలు పోయాయి. బ్యాంకులు జాతీయం చేయ బడి,మనం దాచుకున్న డబ్బులు లోన్ మేళా ల లో వె దజిమ్మటం ప్రారంభమై ఇప్పటిదాకా కొనసాగుతోంది . సిండికేట్ పప్పులు ఉడకలేదు . జాకిర్ హుస్సేన్ అధ్యక్షుడయ్యాడు .

నేను 1970 -72 మధ్య ఆస్ట్రేలియా లోని మొనాష్ యూనివర్సిటీ లో పనిచేయటానికి అనుమతి పొంది ,సెలవు తీసుకుని ఒక భార్యా ఇద్దరు పిల్లలతో వెళ్ళాను . ఆ యూనివర్సిటీ రాడికల్ స్టూడెంట్స్ కి పట్టుకొమ్మ. అది వాళ్ళ JNU అన్నమాట . స్టూడెంట్ నిరసనలు దగ్గరుండి గమనించటం, అక్కడి వారికి మన దేవుళ్ళ అవసరం లేక పోవటం , శుభసమయాలు అక్కర్లేక పోవటం , మేము కూడా వారి విశ్వాసాలు లేకుండా అన్ని ( 30 సంవత్సరాలు ) బతికేయటం తో ,రెండూ అనవసరంగా అర్ధమయ్యి . దేవుడి ప్రసక్తి లేని secure జీవితానికి అలవాటు పడి ఇండియాకి వెనక్కి వెళ్ళాను
ఇండియా వచ్చాక Indian Rationalist Association లో సభ్యుడిగా చేరటం , విశాఖ వెళ్ళినప్పుడల్లా కాళీ పట్నం రామా రావు గారితో తిరగటం ,విరసపు రచయితల పరిచయాలు పెంచుకోవటం జరిగాయి .నా మొహం కంద గడ్డలా ఎరుపు ఎక్కిందని ఒక విద్యార్ధి అనటం నా చెవిన పడకపోలేదు .గణేష్ పాత్రో నాటకాలు IISc లో రాయుడు , సాంబశివరావు పటాలం ఆడసాగింది.
1975 లో ఎమర్జెన్సీ పెట్టారు కొందరు రచయితలని మూసేసారు. మా నాన్న గారు " ఎక్కడ ఉన్నావు ? " అని టెలిగ్రామ్ ఇచ్చారు . నేను ఇంట్లోనే క్షేమముగా ఉన్నాను అని జవాబు ఇచ్చాను .నేను రాజకీయ ఉద్యమకారుడిని కాను కేవలం హేతు వాది ని అందుకని దుర్గా దేవి అనుచరుల దృష్టి నా పై పడలేదు
ఎమర్జెన్సీ ఎత్తేసారు . మా మల్లేశ్వరం నుంచి KS Hegde (Janatha party) అనే జడ్జి గారిని గెలిపించాము. అదే నాజీవితం లో నా ఓటు హక్కు వినియోగించుకున్న ప్రథమ సంఘటన .
IISc లో అబ్రహం కోవూరు ఉపన్యాసం ఏర్పాటు చెయ్యటం BV Raman గారిని సభలో ప్రశ్నించటం లాంటి చిన్న చిన్న తిరుగు బాటు తనాలు ప్రదర్శించే వాడిని ఆ రోజుల్లో .
1979 లో మా నాన్న పోయారు .అమ్మని భార్య ని పిల్లలని తీసుకుని ట్రినిడాడ్ వెళ్ళాను. అక్కడున్న NRI INdians Emergency కాలం లో ఇండియా పరువు గొప్పగా పెరిగి పోయినది అనటం నాకు కోపం తెప్పించింది ." అంత గొప్ప సమయం లో మీరు అక్కడికి వెళ్పోచ్చేయక ఇక్కడే ఎందుకున్నారు ? "అని అడిగాను అ క్క డ హిందువులంతా ( Originally of Idian Origin) సంపన్నం గా ఉండటం పూజలు పునస్కారాలు చేస్తూ ఉండటం నన్ను ఆకట్టుకోలేదు .నేను Secular భావాల వాడిని కాదా !
తిరిగి వచ్చాను Operation Blue Star జరిగింది. ఇందిరా గాంధీ హత్యకు గురి అయింది. Indira was no more But India continued to exist. Gareebi continued to prosper .

Written by kavanasarma

August 17, 2018 at 5:27 am

Posted in Uncategorized

నేను , రాజకీయ భావాల ప్రవాహం లో నా ప్రయాణం

with 3 comments

నేను , రాజకీయ భావాల ప్రవాహం లో నా ప్రయాణం
1 నెహ్రు కాలం
నాకు నచ్చిన పాత్ర బంగారు పాపలో, పాప తండ్రి పాత్ర. . అతను చివరిదాకా తన గురించి చెప్పకుండానే కథ నడిపించాలని చూస్తాడు .నేను కూడా బహుశః అటువంటి వాడినే .నేనేమిటో చెప్పకుండా దాతేద్దామనుకున్నాను కానీ వాజపేయీ చనిపోయిన ఈ రోజున చెప్పాలనుకుంటున్నాను నేను మా అమ్మ నాన్న ల ప్రకారం సెప్టెంబర్ 23 న పుట్టాను ఆ సంవత్సరం 1940 అనుకునేవాడిని కాదని 1939 అని మామేనమామ నమ్మ బలికాడు . నేను౨న్ద్ మే 194 0 ణ పుట్టినట్టు ప్రభుత్వం విశ్వసిస్తోంది నేను ఎప్పుడు పుట్టినా , విశాఖపట్నం మీద బాం బులు పడినది 1942 లోనే .రెండవ ప్రపంచ యుద్ధం ముగిసి మళ్ళీ ఆంద్ర విశ్వ విద్యాలయం గుంటూరు నుంచి విశాఖా పట్నం వెళ్ళింది 1946 లోనే. దాంతో పాటు మా నాన్న గారు ఆయన తో పాటు మేము విశాఖ వెళ్ళినది అప్పుడే .

మనకి స్వతత్రం వచ్చింది 15, ఆగస్టు 1947 నే

..మా అ మ్మ చెల్లెలు అప్పుడు భర్త తో బెంగాలు లో ఉండటం అప్పుడే. . వాళ్ళు ముస్లిం ల చేతుల్లో హతులవకుండా బయట పడింది అప్పుడే .అందుకని పాకిస్తాన్ కోరుకున్న వారిని నేను శత్రువులుగా అనుకున్నది అప్పుడే . సోషలిస్ట్ వీరుడు జయ ప్రకాష్ బాబు .ఢిల్లీ చలో అనీ

అని పాడుకున్నదీ అప్పుడే .కేప్టెన్ లక్ష్మి .సుభాష్ చంద్ర బోస్ INA ల పేర్లు విన్నదీ అప్పుడే స్వతంత్రం వచ్చే సమయానికి మేము విశాఖ పట్నం అఫీషియల్ కాలనీ మోరిస్ వీధిలో ఉండే వాళ్ళం . ఆరోజున తెల్లారినప్పటి నుంచి హోరెత్తి పోయిన టంగుటూరి సూర్య కుమారి దేశ భక్తి గీతాలు ‘ మా చెవులు రింగుమని మారు మోగి’ పోయిన రోజు కూడా అదే . మా అన్నయ్య సీతారామ శాస్త్రిని "రాజు గాంధీ ,మంత్రి నెహ్రూ కదా " అని అడిగి తిట్లు తిన్నా. కానీ నెహ్రు మంత్రే అని తెలిసింది . అలిపితో, చొక్కాకి జండా తగిలించుకుని విశా ఖ వీధుల్లో గొప్పగా తిరిగాము ఆ రోజున . స్వేచ్చా భారతం ఉదయమ్మాయె ను ఆ విధం గా
నన్ను డిసెంబర్ లో స్కూల్ లో పడేసారు 30 జనవరి 1948 ,గాంధీ గారిని, ఎవరో గాడ్సే అన్న ఆతను, కాల్చి చంపేసా డు . మా అమ్మ ప్రకారం గాంధీ దేవుడు. ఆయన్ని చంపటం ఏమిటో మరి నాకు అర్ధం కాలేదు స్కూళ్ళు మూసేసారు .గాంధీ గారి అంతిమ యాత్ర మినర్వా టాకీస్ లో ఉచితం గ చూపించారు . దేశం అంతా ఎవరి ప్రోద్బలం లేకుండా విచారం లో మునిగి పోయింది . RSS అనే సంస్థకి చెందిన వారిని ఆ తరవాత జైల్లో పెట్టారు . కానీ RSS అంటే ఏమిటో తెలియదు . వీర సావర్కర్ అనే ఆయన సముద్రం ఈది ఇంగ్లిష్ వారి నుంచి తప్పించుకో పోయాడని విని ఆయన గొప్ప వాడు అనుకునే వారిమి .
మాకు మొదటి ఫామ్ లో జనగణమన పాట గొప్ప తనం వివరించి, ఆ పాట వింటున్నప్పుడు ,లేక పాడుతున్నప్పుడు నెత్తి మీద పిడుగు పడ్డా కదలకూడదని కాళీపట్నం రామా రావు మేష్టారు చెప్పారు .అదినేను నమ్మాను .
పటేల్ హైద్రాబాద్ నవాబ్ ని బెదిరించాడని అందుకని అది ఇండియా లో చేరాడని , అయితే ఇదే నెహ్రు అదే ఆయన మాట కాశ్మీర్ విషయం లో వినలేదని అనేవారు .ఆ తరవాత ఒక తోక చుక్క కనపడటం ఆయన చని పోవటం జరిగింది .
1949 లో మా నాన్న గారు స్వీడన్ వెళ్లారు మేము రాజా మండ్రీ వెళ్ళాము ఆ రోజుల్లో కమ్యూనిస్టులు డబ్బున్న వాళ్ళని చంపేసేవారని అందుకని వాళ్ళు దొరికితే జైల్లో పెట్టేస్తారని చెప్పుకునేవారు. మేము తాతగారింట్లో ఇనప్పెట్టె ఉన్న గదిలో పడుకునే వారిమి .అందులో ఏ డబ్బూ లేదని కమ్యూనిస్టులు వస్తే వారికి చెప్పాలని నిశ్చయించుకున్నాను . 1950 జనవరి 26 న మనదేశం డొమినియన్ నుంచి రిపబ్లిక్ అయింది. స్కూల్ లో మిఠాయిలు పంచి పెట్టారు.
తర్వాత కొన్నాళ్ళకు రాజాజీ రేషన్ ఎత్తేసాడు .చాలా సంతోషించాము . ఆయన వద్ద మల్ల వరపు వెంకట కృష్ణా రావు గారనే మా ఇంటి /కుటుంబానికి డాక్టర్ గారు మంత్రి అయ్యారు . పొట్టి శ్రీరాములు ఆంద్ర రాష్ట్రం కోసం ఉపవాసం చేస్తూ చనిపోయారు .

అయితే రాజాజీ సలహా మేరకు నెహ్రు ఆయన ఉపవాస దీక్షని పట్టించుకోలేదన్న కోపం తో తెలుగు ప్రజా ఉద్రేకపడి పోయింది. నేనూ పడ్డాను. అల్లా పడకూడదని మా డాక్టరు మంత్రి గారు చెప్పినా వినిపించుకోలేదు రాష్ట్రం స్థంభించి పోయింది. నేనూ ఆ స్ట్రైక్ ల లో పాల్గొన్నాను .మలబారు పోలీసులని చూసి ఝడుసుకున్నాను కూడా .ఒకరిద్దరు విశాఖ లో చనిపోయారు .చివరికి ఆంధ్ర రాష్ట్రం వచ్చింది .మా తెలుగు తల్లికి మల్లె పూ దండ దొరికింది .కర్నూల్ రాజధాని అయింది నాకు కాంగ్రెస్ మీద నమ్మకం పోయింది .నేను RSS లో గణపతి రాజు వర్మ ,పిళ్ళా రామారావు గార్లు నడుపుతున్న డాబా తోట RSS శాఖ లో చేరి కర్ర సాము నేర్చుకున్నాను
నేను 1954 లో . AVN College లో ఇంటర్మీడియేట్ మొదటి సంవత్సరం లో చేరాను . యూనియన్ ఎన్నికల్లో నిలబడ్డాను. RSS మిత్రులు నన్ను బలపరిచినా , 6 ఓట్ల తేడా తో ఒడి పోయాను .ఆ తరవాతి ఏడు నాటక సమితి కార్య దర్శి గా ఎన్నిక అయ్యాను .జోగయ్య పంతులు SF నుంచి యూనియన్ కార్య దర్శి గా ఎన్నిక అయ్యాడు .
పటేల్ ఉంటె గోవా ఎప్పుడో విముక్తి చెందేదని ఆయన లేక పోవటం వలన నేనూ జోగయ్య పంతులు పూనుకోక తప్పదని నమ్మి 1955 లో AVN College students strike కి నాయకత్వం వహించాము . టంగుటూరి తెన్నేటి కూడా కాంగ్రెస్ విడిచిపెట్టారు .
యూనివర్సిటీ లో 1956 లో ఇంజినీరింగ్ చదవటం మొదలు పెట్టాను .అక్కడ DSU బలం గా ఉండేది . నేను మొదటి రెండు సంవత్సరాలు పోటీ చేసి ఓడి పోయాను .పెమ్మరాజు సీతాపతి రావు గారు అక్కడ RSS పెద్ద గా ఉండేవారు .అధ్యయనం పేరిట అయినదానికీ కానిదానికీ నెహ్రు ని తిట్టడమా రోజుల్లో ఒక సాంప్రదాయం గా ఉండేది. అది నచ్చని నేను RSS మానేసి ప్రతిదినం రామకృష్ణా మిషన్ వెళ్ళటం మొదలు పెట్టాను . వివేకానంద నన్ను ఆకర్షించాడు .
1906 లో BE చదువు పూర్తి అయి ఖరగ్పూర్ లో M.Tech చదవటానికి విశాఖ విడిచిపెట్టాను. ప్రేమలో పడ్డాను
1961 లో AU లో లెక్చరర్ గ చేరాను .తరవాత 1962 వచ్చిన ఎన్నికల్లో నేను పోలింగ్ ఆఫీసర్ గా పనిచేసాను .తెన్నేటి ఆ ఎన్నికల్లో ఓడి పోయారు. 1962 లో చై నా యుద్ధం లో మన దేశం సిద్ధం గా లేక ఓడి పోయింది నెహ్రు మంత్రి వర్గం లో ని కొందరు మంత్రులు ., అవినీతి పరులన్న మాట బహిరంగం గా అనుకోవటం మొదలైంది. అంతకు ముందే ఫిరోజ్ గాంధి ఆ నేరారోపణ చేసాడు . 1964 లో నెహ్రు చనిపోయాడు

Written by kavanasarma

August 16, 2018 at 4:36 pm

Posted in Uncategorized